అదుపుతప్పి పొగాకు బ్యార్నిని ఢీ కొట్టిన మినీ లారీ..

ప్రకాశం జిల్లా కంభం మండలం జంగంగుంట్ల గ్రామ సమీపంలోని అమరావతి అనంతపురం జాతీయ రహదారిపై సోమవారం తెల్లవారుజామున రోడ్డు ప్రమాదం చోటుచేసుకుంది. నిద్రమత్తులో లారీని నడిపిన డ్రైవరు పొగాకు బ్యార్నిని ఢీకొట్టాడు. ఈ ఘటనలో లారీ డ్రైవర్ తో పాటు క్లీనరు తీవ్రంగా గాయపడ్డాడు. పోలీసులు స్థానికులతో కలిసి 2 గంటలకు పైగా శ్రమించి లారీ క్యాబిన్ లో నుంచి వెలికి తీశారు. అనంతరం ఇద్దరినీ కంభం ప్రభుత్వాసుపత్రికి తరలించారు. భీమవరంలో టమాటా లోడ్ దిగుమతి చేసి తిరిగి అనంతపురం వెళుతున్న సమయంలో ప్రమాదం జరిగిందని లారీ డ్రైవర్ తెలిపాడు.