ప్రశ్నించే గొంతుక.. జైల్లో 8వ పుట్టిన రోజు

నాగపూర్ కు చెందిన అత్యంత ప్రతిభావంతుడైన న్యాయవాది, తన అద్భుత వాదనా పటిమతో ఎందరో ఆదివాసులను, దళితులను అక్రమ కేసుల నుంచి విడిపించిన ప్రజా న్యాయవాది సురేంద్ర గాడ్లింగ్ పుట్టినరోజు ఇవాళ. ఆయన ఈ పుట్టినరోజును ముంబాయిలోని తలోజా జైలులో జరుపుకుంటున్నారు. జైలులో ఆయన జరుపుకుంటున్న ఎనిమిదో పుట్టినరోజు ఇది. భీమా కోరేగాం – ఎల్గార్ పరిషత్ అనే అబద్ధపు కేసులో నిందితుడిగా 2018 జూన్ 6న ఆయనను అరెస్టు చేశారు. ఏడు సంవత్సరాల రెండు నెలలుగా ఆ కేసు విచారణా లేదు, బెయిలూ లేదు. ఇలాంటి వారు వందల మంది జైల్లో ఉండటం గమనార్హం.

ఇదీ ఈ దేశంలో ప్రశ్నించే గళాలకు, అక్రమాలను నిలదీసే గళాలకు దక్కుతున్న సత్కారం! ఇదీ “ప్రజాస్వామిక” “చట్టబద్ధ” పాలన!!